الزواج فى مصر من الفراعنه حتى الان

طريقة الزواج في مصر من الفراعنة حتي الأن
((مصر الفرعونية ))
*************
ابا انا عايز اتجوز اختى(( حت حور))
خلاص يا ابنى خليها تنقل حاجتها فى قوضتك..(الغرفة) وابقى هاتلها حجرين صوان هدية.. مبروك يا( تاح)
**********
مصر فى عصر الرومان
########
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا
**********

مصر بعد الفتح الاسلامى
##########
ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم ' ان جاءكم من ترضون
دينه وخلقه فزوجوه ' .... قيموا الافراح
**********

مصر 1919
#########
الاب:انت ح تتجوز بنت الحاج عبد الجليل .. انا كلمته خلاص ووافق .. وضب
قوضتك(الغرفة) وهات خلخال .. فرحك يوم الخميس اللى جاى
الابن :طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا
**********

مصر 1960
########
الاب :بقى يا ستى بنتك آمال جالها عريس
الام: ياألف نهار ابيض يا ألف نهار مبروك
الاب:جدع طيب وابن حلال موظف فى الحقانية(وزارة العدل) .. وماهيته (راتبة)مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر!! .. تدبل الوردة وريحتها فيها يا نرجوستى(بيدلعها)
***********

مصر فى عصر الانفتاح
##########
ام العروسة:اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركت
البنت:بس يا ماما!!!
ام العروسة:ما فيش بس.. انا وابوكى قبل ما يموت فى الحرب كانت بتعدى علينا ايام
ما بنلاقيش ناكل.. انا يا بنتى مش عايزاكى تتعذبى زى ما احنا
اتعذبنا.. انتى ح تتجوزى فتحى ابن خالتك
البنت:بس انا مش بحبه يا ماما
الحب ما بيأكلش تونة فى الزمن ده يا فالحة
البنت:امرك يا ماما
*********
مصر2009
#########
البنت: بابا ..ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك
وبعدين الكلام فى المهر والعفش والقايمه
والفرح ده موضه قديمه
حاجات بلدى يااااى!!!
انا اتفقت معاه على كل حاجه
والفرح فى( كافيه ماريانو )فى المعادى على الضيق كده مع الفرندز
وانا جيت اعزمك انت ومامى
الاب سكتم بكتم ههههه ولا نطق ولا كلمة